Plantun de Prouvènço

Pèr coumpara dos planto d'encò nostre

Carex hispida & Oxybasis glauca

Queirello(-agarrussido)

Carex hispida

Cyperaceae

Àutri noum : Moutouso, Sagneto.

Nom en français : Laîche hérissée.

Descripcioun :
Aquesto queirello trachis dins li palun e li prado umido souvènt richo en sau. Douno d'èr à la queirello-bleto, pamens èi bèn pu grosso emé un gros rizoumo e de fueio de 4 à 8 cm de larjo. S'atrovo de tres à sièis espigo mascle de 4 à 9 cm, e de tres à sèt espigo femèu. Se destrìo subretout à soun utriculo amé de ciho redo sus li bord (dessin). L'escaumo èi pounchudo (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Jauno
Petalo : ges
Ø (o loungour) flour : Pancaro entresigna
Flourido : Printèms

Sòu : Na Cl
Autour basso e auto : 0 à 400 m
Aparado : Noun
Abriéu à jun

Liò : Roubino - Prado umido - Palun - Aigo-sau
Estànci : Mesoumediterran
Couroulougi : Éuroupenco
Ref. sc. : Carex hispida Willd., 1801

Blet(-verdau)

Oxybasis glauca

Amaranthaceae Chenopodiaceae

Nom en français : Chénopode glauque.

Descripcioun :
Lou blet-verdau es uno planto de l'an pulèu rare au nostre, mai que coumenço de se vèire de mai en mai. Trachis dins li champ e ermas riche en azoute e proche d'aigo. Se recounèis à si fueio descoupado, verdo dessubre e blanco dessouto.

Usanço :
Es uno planto manjadisso de prepara en tian coume d'espinarc. La vau miés faire couire que caup de sapounino.

Port : Erbo
Taio : 10 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Oxybasis
Famiho : Amaranthaceae
Famiho classico : Chenopodiaceae

Ordre : Caryophyllales

Coulour de la flour : Verdo
Petalo : ges
Ø (o loungour) flour : 0,6 à 1 mm
Flourido : Estiéu - Autouno

Sòu : Ca
Autour basso e auto : 0 à 800 m
Aparado : Noun
Juliet à óutobre

Liò : Prado umide - Ermas - Escoumbre e proche dis oustau - Mar
Estànci : Mesoumediterran à Coulinen
Couroulougi : Éurasiatico
Ref. sc. : Oxybasis glauca (L.) S.Fuentes, Uotila & Borsch, 2012 (= Chenopodium glaucum L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex hispida & Oxybasis glauca

RRR

ges

Coumpara Queirello(-agarrussido) emé uno autro planto

Coumpara Blet(-verdau) emé uno autro planto